У палітзняволенай Таццяны Колас выявілі анкалагічнае захворванне
Таццяна Колас / "Вясна"
У палітзняволенай Таццяны Колас выявілі анкалагічнае захворванне. Для далейшага абследавання і лекавання яе мусяць перавесці ў лякарню, але зрабіць гэта плануюць толькі праз некалькі месяцаў, паведамляе праваабарончы цэнтр "Вясна".
Таксама Таццяна пакутуе на моцны боль у спіне, звязаны з перанесеным раней кампрэсійным пераломам пазваночніка.
Таццяна Колас — былая супрацоўніца Мінгарвыканкама. За кратамі яе трымаюць больш за чатыры гады. У кастрычніку 2022-га яе асудзілі па "справе Чорнай кнігі Беларусі" на шэсць з паловай гадоў калоніі паводле чатырох крымінальных артыкулаў. Жанчыну вінавацілі ў перадачы персанальных данных сілавікоў.
У зняволенні ў яе сур'ёзна пагоршала здароўе.
