Пасля ўкраінскай атакі загарэўся НПЗ у Омску — за 2,5 тысячы км ад Украіны
Омск 6 ліпеня / фота з сацсетак
Украінскія беспілотнікі атакавалі Омскі нафтаперапрацоўчы завод — найбуйнейшы НПЗ у Расіі. Ён размяшчаецца за 2,5 тысячы кіламетраў ад украінскай мяжы.
Пасля ўдараў на тэрыторыі завода пачаўся пажар, піша hromadske.ua. Паведамляецца, што ў завод пацэлілі мінімум два дроны.
Расійскія ўлады пацвердзілі атаку беспілотнікаў, але пра пашкоджанне завода не паведамілі.
Омскі НПЗ належыць кампаніі "Газпрам нафта". Ён перапрацоўвае больш за 21 мільён тон нафты ў год і вырабляе бензін, дызельнае і авіяцыйнае паліва.
