БАТЭ згуляў унічыю з "Эльбасані" ў Лізе канферэнцый
Барысаўчане правялі першы матч кваліфікацыі Лігі канферэнцый / БАТЭ
7 ліпеня ў першым кваліфікацыйным раундзе Лігі канферэнцый БАТЭ згуляў унічыю з албанскім "Эльбасані" — 1:1.
Лік у матчы быў адкрыты ў самой канцоўцы першага тайму, забітым мячом адзначыўся форвард албанскай каманды Ардзіт Нікай.
У першай палове матчу барысаўчане нанеслі чатыры ўдары ў створ варот албанцаў. У "Эльбасані" было сем удараў.
У другім тайме 20-гадовы паўабаронца БАТЭ Ягор Русакаў на 68-й хвіліне зраўняў лік у матчы — 1:1. Галявую перадачу аддаў Ягор Крэс.
Матч у адказ паміж БАТЭ і "Эльбасані" пройдзе 16 ліпеня ў Сумгаіце і пачнецца ў 18.00.
Нагадаем, што БАТЭ ўпершыню з 2023 года гуляе ў еўракубках. Гэта стала магчымым пасля заваявання ў гэтым годзе Кубка Беларусі. У бягучым чэмпіянаце Беларусі каманда ідзе ў зоне вылету, на перадапошнім — 15-м — месцы.
У каманды змяніўся трэнер і значна абнавіўся склад гульцоў.
