Беларускіх канькабежцаў дапусцілі да спаборніцтваў у нейтральным статусе

Канькабежцаў Беларусі і Расіі дапусцілі да ўдзелу ў міжнародных турнірах у сезоне 2026/2027 у статусе індывідуальных нейтральных атлетаў. Такое рашэнне прыняў савет Міжнароднага саюза канькабежцаў (МСК), гаворыцца ў паведамленні арганізацыі ад 30 чэрвеня.

Спартоўцы змогуць удзельнічаў у спаборніцтвах без дзяржаўных сімвалаў і пры адсутнасці доказаў, што яны парушаюць патрабаванні нейтральнага статусу.

Пры гэтым квоты на ўдзел будуць разлічвацца так, быццам федэрацыі Беларусі і Расіі ўдзельнічаюць у сваім першым сезоне спаборніцтваў па канькабежным спорце. У МСК патлумачылі, што спартоўцы з абедзвюх краін не прымалі ўдзел у турнірах больш за тры гады і не маглі назапашваць рэйтынгавыя балы ў гэты перыяд.

У МСК паабяцалі пастаянна пераглядаць умовы правядзення спаборніцтваў. Змякчэнне санкцый паабяцалі толькі пры "адсутнасці рызык для бяспекі і спартыўнай сумленнасці".

Асобна падкрэсліваецца, што санкцыі знятыя толькі са спартоўцаў, але не з афіцыйных службовых асоб з Беларусі і РФ.

Пад эгідай МСК праводзяцца спаборніцтвы па фігурным і сінхронным катанні, канькабежным спорце і шорт-трэку.