На турніры ў Польшчы гімнастаў РБ прадставілі як нейтральных нягледзячы на знятыя санкцыі

Беларуская асацыяцыя гімнастыкі звярнулася ў Міжнародную федэрацыю (World Gymnastics) са скаргай на паводзіны арганізатараў Кубка свету, які адбыўся 19-21 чэрвеня ў польскім Жэшуве.

Паведамляецца, што на цырымоніі адкрыцця і падчас Кубка арганізатары спаборніцтваў прадстаўлялі беларускіх атлетаў як нейтральных спартоўцаў. У Беларускай асацыяцыі звяртаюць увагу, што 17 траўня World Gymnastics прыняла рашэнне, што беларускія спартоўцы маюць права выступаць з дзяржаўным сцягам і гімнам, а не як нейтральныя атлеты.

"Беларускі бок аператыўна адрэагаваў на парушэнне правоў нашых спартоўцаў, адпаведныя дакументы ўжо накіраваныя ў дысцыплінарную камісію World Gymnastics", — падкрэслілі ў БГА.

Дарэчы, беларускія спартоўцы на турніры заваявалі тры медалі — адзін залаты і два срэбраныя. Пераможцамі сталі Адрыян Трафімовіч і Дар'я Мінюк.