Казахстан абмежаваў уезд-выезд аўтатранспарту з сумежных краін

Казахстан абмежаваў уезд і выезд аўтатранспарту з сумежных дзяржаў. Гэтыя меры прымаюцца для таго, каб не дапусціць вываз паліва. Пра гэта паведаміў віцэ-міністр энергетыкі Кайырхан Туткышбаеў, піша выданне vlast.kz.

"За суткі — не больш за адзін раз уязджаць-выязджаць у нашу краіну. Гэта значыць, і грузавыя і легкавыя не змогуць больш за адзін раз у суткі ўязджаць і выязджаць з нашай краіны. Гэта дазволіць захаваць баланс спажывання", — растлумачыў чыноўнік.

Таксама ён паведаміў, што Міністэрства энергетыкі разам з нацыянальнымі кампаніямі стварылі фонд, які кантралюе ўнутраны баланс спажывання гаруча-змазачных матэрыялаў (ГЗМ).

Туткышбаеў сказаў, што спажыванне ГЗМ рэзка вырасла ў абласцях, якія мяжуюць з Расіяй — Заходне-Казахстанскай, Акцюбінскай і Паўладарскай. Аднак, дадаў ён, у цэлым казахстанскія НПЗ працуюць у штатным рэжыме і дэфіцыту паліва не прадбачыцца.