Завочную справу пачалі на мінчука, які ўцёк з Беларусі на параплане пяць гадоў таму
Андрэй Суша (справа) / nashaniva.com
Завочную крымінальную справу пачалі на мінчука Андрэя Сушу, які пяць гадоў таму ўцёк з Беларусі… на параплане.
У 2021-м мужчыну пачалі цягаць да сілавікоў, яму пагражаў крымінальны пераслед. Тады ён узяў параматор, пераляцеў мяжу з Літвой і здаўся паліцыі.
48-гадоваму мужчыну, які ў Беларусі працаваў дэфектаскапістам, выставілі абвінавачанне па васьмі артыкулах Крымінальнага кодэкса. Сярод іх — абраза Лукашэнкі, прадстаўніка ўлады і суддзі, незаконнае перасячэнне мяжы, садзейнічанне "экстрэмісцкай дзейнасці", удзел ў "экстрэмісцкім фармаванні".
