Памерла спявачка Боні Тайлер

Памерла легенда брытанскай поп-музыкі Боні Тайлер. Спявачцы было 75 гадоў, але яна працягвала актыўна выступаць: літаральна праз некалькі дзён мусілі адбыцца яе канцэрты.

Найбольш вядомая Тайлер песняй "Holding out for a hero", на якую зробленыя дзясяткі кавераў. Калі вы не ўпэўнены, што памятаеце яе, падказка: менавіта гэтую кампазіцыю ў "Шрэку 2" спявала фея.

Сусветную вядомасць Тайлер прынесла кампазіцыя Total Eclipse Of The Heart: у 1983-м яна ўзначаліла чарты ў Вялікабрытаніі і ЗША. Сярод іншых яе вядомых песень — It's a Heartache, If You Were A Woman (And I was a Man) ды Faster Than the Speed of Night.

Спявачка тройчы намінавалася на прэмію "Грэмі". У 2013 годзе яна выступала за Вялікабрытанію на конкурсе "Еўрабачанне". У 2023 годзе Тайлер была ўзнагароджаная ордэнам Брытанскай імперыі за заслугі перад музыкай.