Уладзімір Зяленскі выставіў Лукашэнку ўльтыматум

Прэзідэнт Украіны Уладзімір Зяленскі выставіў Аляксандру Лукашэнку ўльтыматум.

Зяленскі заявіў, што на тэрыторыі Беларусі ўздоўж мяжы "знаходзіцца тэхніка, якая карэктуе агонь па ўкраінскім насельніцтву, менавіта па насельніцтву".

Прэзідэнт Украіны перакананы, што Лукашэнку хопіць тыдня, каб прыбраць усю гэтую тэхніку.

"Я думаю, што яму тыдня будзе дастаткова, каб гэта зрабіць. Чаму я кажу "тыдня"? Таму што цяпер кожны дзень праз гэта гінуць нашы мірныя жыхары, параненыя дзеці. Калі ён гэтага не зробіць, зробім мы", — сказаў ён.

Зяленскі аспрэчыў заявы Лукашэнкі пра тое, што той не ўцягнуты ў вайну. Украінскі прэзідэнт падкрэсліў, што лукашэнкаўскі рэжым рознымі шляхамі падтрымлівае Расію — у тым ліку пастаўкамі нафтапрадуктаў.