За паўгода на Гомельшчыне зафіксавалі 15 дзіцячых смерцяў
Хуткая дапамога, ілюстрацыйнае фота / mag.103.by
У Гомельскай вобласці сёлета рэзка вырасла колькасць дзіцячых смерцяў. За першае паўгоддзе 2026-га загінула 15 дзяцей і падлеткаў, паведамілі ў абласной пракуратуры.
Для параўнання: за ўвесь мінулы год у вобласці было зарэгістравана 16 дзіцячых смерцяў.
У ліку асноўных прычын гібелі дзяцей у вобласці сёлета прадстаўнікі пракуратуры назвалі суіцыды, ДТЗ, утапленні. А два дзіцяці загінулі ў выніку пажару.
Таксама ў пракуратуры звярнулі ўвагу на прынятыя меры па зніжэнні дзіцячай смяротнасці. У купальны сезон каля вадаёмаў дзяжураць міліцыя і супрацоўнікі АСВОД, але ёсць моладзь, якая не выконвае правілы бяспекі на вадзе.
