Беларус загінуў, паеўшы салаты са знойдзенай раслінай

39-гадовы беларус памёр, з'еўшы невядомую расліну. Пра трагічны інцыдэнт у Мядзельскі РАУС паведаміў фельчар хуткай меддапамогі. Як удакладняюць у Дзяржкамітэце судовых экспертыз, гэта адбылося пры канцы траўня.

Сужыцелька загінулага расказала, што мужчына вёў здаровы лад жыцця і збіраў гаючыя травы. У Мядзельскі раён яны прыехалі ў госці да сваякоў жанчыны. У дзень трагедыі пара шпацыравала ўздоўж рэчкі і мужчына звярнуў увагу на незнаёмую расліну каля вады.

Мужчына дастаў расліну, адзначыў саладжавы пах кораня і дома дадаў яго ў салату. Сужыцелька і яе сваякі адмовіліся ад пачастунку. Сам госць без ваганняш паеў прыгатаваную страву. Праз гадзіну яму стала кепска: пачаліся сутаргі і млоснасць. Хуткая дапамога, якую выклікала жанчына, ужо толькі канстатавала яго смерць.

Эксперты вызначылі, што мужчына атруціўся цыкутай. Этылавы спірт ў яго крыві не выявілі.