Ахвярамі рэпрэсій у Беларусі сталі не менш за 100 тысяч чалавек — Бяляцкі
Алесь Бяляцкі (у цэнтры) на прэс-канферэнцыі ў Беластоку / DzikMedia
Колькасць ахвяр палітычных рэпрэсій у Беларусі перавысіла ўжо 100 тысяч чалавек. Такую лічбу на прэс-канферэнцыі ў Беластоку назваў праваабаронца і лаўрэат Нобэлеўскай прэміі Алесь Бяляцкі, піша тг-канал DzikMedia.
Праваабаронца паведаміў, што ў Беларусі пачалі больш за 10 тысяч крымінальных справаў па палітычных матывах. А яшчэ дзясяткі тысяч людзей трапілі пад пераслед з боку ўладаў.
Рэпрэсіі, на думку Бяляцкага, сталі адным з асноўных інструментаў утрымання ўлады. Цяперашні рэжым выкарыстоўвае ціск, арышты і крымінальны пераслед для захавання кантролю над грамадствам, бо не мае шырокай падтрымкі сярод беларусаў.
