Офіс Ціханоўскай не пацвердзіў абвінавачанні прапаганды ў адрас Аліны Харысавай

Першасныя праверкі, праведзеныя Офісам Святланы Ціханоўскай, не выявілі фактаў, якія пацвярджалі б абвінавачанні ў дачыненні да Аліны Харысавай, распаўсюджаныя прапагандыстамі Лукашэнкі. Пра гэта гаворыцца ў паведамленні Каардынацыйнай рады.

Падставай для праверкі стала відэа, апублікаванае на прапагандысцкіх каналах, у якім сцвярджалася, што Харысава нібыта перадавала інфармацыю і супрацоўнічала з КДБ.

Пасля распаўсюджвання відэа Харысава самастойна ініцыявала праверку ў адносінах да сябе і добраахвотна прыпыніла супрацоўніцтва з шэрагам арганізацый, уключаючы Каардынацыйную раду, да завяршэння ўсіх праверак.

"У ходзе праверкі не было выяўлена фактаў, якія пацвярджалі б агучаныя ў прапагандысцкім відэа сцвярджэнні", — гаворыцца ў паведамленні.