Кірыл Буданаў не бачыць пагроз для Украіны з боку Беларусі

Аляксандр Лукашэнка пачуў украінскія папярэджанні, і цяпер пагрозы з боку афіцыйнага Мінска няма. Пра гэта кіраўнік Офіса прэзідэнта Украіны Кірыл Буданаў заявіў у інтэрв'ю "РБК-Украіна".

Ён заклікаў не ствараць сабе яшчэ аднаго ворага з боку Беларусі: "Я не ў тым сэнсе, што мы самі нешта там эскаліруем, не. Але ў прынцыпе мець яшчэ аднаго ворага і яшчэ адну зону баявых дзеянняў нам дакладна не выгадна. Тое, што яны нас пачулі — гэта вельмі правільны крок".

На думку Буданава, Лукашэнку ўдзел у вайне не патрэбны, бо гэта завершыцца крахам рэжыму. "Таму што з аднаго боку Расія, якая будзе душыць у братніх абдымках і задушыць у такіх умовах да канца. І яны гэта выдатна ведаюць. З іншага боку Украіна, якая, скажам так, нешта можа", — патлумачыў ён.

Палітык дадаў, што на цяперашні час з боку Беларусі няма ніякіх пагроз для Украіны.

Раней Буданаў узначальваў Галоўнае ўпраўленне разведкі Мінабароны Украіны.