Капрамонтам пагарэлага дома на вуліцы Леніна ў Мінску зоймуцца толькі ў 2027 годзе
Дом на вуліцы Леніна ў Мінску / "Мінск-Навіны"
Капітальны рамонт мінскага дома на вуліцы Леніна, пацярпелага ад пажару, плануюць пачаць у 2027 годзе. Пра гэта былоа абвешчана 6 ліпеня падчас выязной нарады пад кіраўніцтвам старшыні Мінгарвыканкама Уладзіміра Кухарава, перадае дзяржаўнае інфармагенцтва "Мінск-Навіны".
На цяперашні час на будынку паставілі часовы дах, каб дом не залівала падчас дажджоў.
"Усё, што датычыць планавых пытанняў, будзе рэалізавана ў адпаведнасці з дакументацыяй, якая распрацоўваецца праектнай арганізацыяй", — заявіў кіраўнік адміністрацыі Ленінскага раёна Раман Мельнік.
Паводле яго, сёлета распрацуюць праектную дакументацыю, а да капрамонт прыступяць ужо ў наступным годзе. Цяпер будаўнікі займаюцца выключна аварыйна-аднаўленчымі працамі: ачышчаюць паддашак, каб можна было прыступіць да ўзвядзення пастаяннага даху.
Пасля пажару з дома вывезлі каля 1400 кубаметраў будаўнічых адходаў і максімальна аператыўна зрабілі дэмантаж канструкцый, паведаміла намесніцак гендырэктара ДВА "Мінскбуд" Вольга Кузняцова. Паводле яе, будаўнікі працуюць з 8-й раніцы да 11-й вечара, бо ім паставілі задачу завяршыць пачатае ў максімальна сціслыя тэрміны.
