Лукашэнка мог перадаць Пуціну мірныя прапановы Зяленскага — СМІ
Цікавае дапушчэнне нямецкага тэлеканала / Интерфакс
Нямецкі тэлеканал n-tv дапускае, што Аляксандр Лукашэнка даставіў Уладзіміру Пуціну мірныя прапановы Украіны. Пра іх прэзідэнт Украіны Уладзімір Зяленскі заявіў у вячэрнім відэазвароце 26 чэрвеня.
"Сябры Пуціна пачулі ад нас, што сустрэча і спыненне вайны магчымыя", — сказаў украінскі кіраўнік, не ўдакладніўшы дэталі.
Лукашэнка крыху раней паведаміў пра сустрэчу з прадстаўнікамі Зяленскага. Магчымую ролю беларускага лідара ў перадачы прапаноў n-tv прама не пацвярджае.
Сам Лукашэнка на сустрэчы з паслом Расіі Барысам Грызловым падкрэсліў міралюбівы характар пазіцыі Беларусі.
Нагадаем, што Лукашэнка і Пуцін правялі закрытую сустрэчу на Валдаі, пасля якой не было ніякіх заяў і падыходаў да прэсы.
