Мінздароўя запусціла медыцынскі партал з асабістым кабінетам пацыента: чым ён карысны

Міністэрства аховы здароўя Беларусі запусціла ў тэставым рэжыме партал аховы здароўя па адрасе medportal.gov.by з асабістым кабінетам для пацыентаў.

Партал працуе на базе цэнтралізаванай інфармацыйнай сістэмы аховы здароўя (ЦІСЗ). У асабістым кабінеце пацыентам даступная электронная медкарта з гісторыяй візітаў, дыягназамі, вынікамі аналізаў і дадзенымі пра вакцынацыю.

Таксама прадугледжаны дзённік стану здароўя, дзе можна самастойна ўносіць паказчыкі — тэмпературу, ціск, пульс, сатурацыю. Лекар знаёміцца з гэтымі дадзенымі падчас вочнага прыёму.

На партале ўказана, што дадзеныя дзённіка "не праглядаюцца ў рэжыме рэальнага часу і не з'яўляюцца падставай для экстранага рэагавання". Пры пагаршэнні стану неабходна тэлефанаваць па нумары 103 або выклікаць лекара на дом.

Для ўваходу ў кабінет патрабуецца адзін з трох спосабаў ідэнтыфікацыі: электронны лічбавы подпіс фізічнай асобы, ID-карта грамадзяніна са счытвальнікам для ПК або ўліковы запіс МСІ.

Інструкцыі па наладжванні доступу размешчаны ў раздзеле рэгістрацыі на сайце. Пры тэхнічных складанасцях распрацоўшчыкі рэкамендуюць звяртацца ў службу падтрымкі аператара ЦІСЗ — ААТ "Агенцтва лічбавай трансфармацыі".

Для наведвальнікаў не з Беларусі трэба выкарыстоўваць VPN.