Продажы кансоляў Xbox і PlayStation абнавілі 25-гадовы антырэкорд

На фоне росту кошту электронікі з-за дэфіцыту памяці Sony і Microsoft сутыкнуліся з адным з самых сур'ёзных падзенняў продажаў гульнявых кансоляў за апошнія 25 гадоў. Паводле дадзеных выдання Insider Gaming, травень 2026 года стаў горшым месяцам за ўсю гісторыю Xbox па продажах кансоляў, а ў PlayStation – горшым траўнем з 2000-га. Nintendo Switch 2 застаецца лідэрам як па колькасці прададзеных кансоляў, так і па выручцы, і з`яўляецца лепшай платформай 2026 года.

Напярэдадні Xbox абвясціла аб чарговым падаражэнні ўсіх мадэляў (як Series S, так і Series X) на 100 долараў з 1 жніўня. Усяму віной дэфіцыт чыпаў і памяці з-за ШІ-буму. Пры гэтым вытворца папярэджвае, што гэта не мяжа: кошты на кампаненты могуць падвоіцца да восені 2027 году.

Nintendo таксама неўзабаве рыхтуецца павысіць цану. З 1 верасня 2026 года кошт Switch 2 вырасце з 449,99 да 499,99 даляраў. Чакаецца, што неўзабаве аб новым падаражэнні аб'явіць Sony.