Мінчанін патануў падчас заплыву на хуткасць
Трагічнае здарэнне адбылося на Сляпянскай воднай сістэме / @skgovby
У Мінску на Сляпянскай воднай сістэме патануў 56-гадовы мужчына. Трагедыя здарылася днём 27 чэрвеня.
Па інфармацыі Следчага камітэта, кампанія з трох чалавек адпачывала на беразе і распівала спіртныя напоі. Мужчына і 41-гадовая жанчына вырашылі пераплысці вадаём на хуткасць. Падчас заплыву мінчанін пачаў апускацца пад ваду і знік з поля зроку.
Ратавальнікі вынялі мужчыну з вады. Пасля правядзення рэанімацыйных мерапрыемстваў медыкі канстатавалі смерць.
