У аўторак у Беларусі будзе да +30 градусаў

У аўторак, 14 ліпеня, у беларусі прагназуецца пераменная воблачнасць, паведамляе Белгідрамет.

Месцамі па краіне пройдуць кароткачасовыя дажджы і прагрымяць навальніцы. Уначы і зранку ў асобных раёнах будзе згушчацца слабы туман. Вецер чакаецца паўночна-заходні, паўночны — ад слабога да ўмеранага, пры навальніцах — парывісты.

Тэрмометры ўначы пакажуць 13-18 градусаў вышэй за нуль. Удзень паветра прагрэецца да +25...+30 градусаў.

У сераду, 15 ліпеня, чакаецца пераменная воблачнасць. Будзе пераважна без ападкаў, толькі ўдзень месцамі па захадзе Беларусі пройдуць кароткачасовыя навальнічныя дажджы. Вецер чакаецца паўночнай чвэрці ўмераны, удзень пры навальніцах — парывісты.

Тэмпература паветра ўначы складзе 12-18 градусаў цяпла, удзень прагназуецца 24-30 градусаў са знакам "плюс".