Да пісьменніка Сашы Філіпенкі сілавікі прыходзілі па "справе ЕГУ"

Па мінскім адрасе рэгістрацыі пісьменніка Сашы Філіпенкі прыходзілі сілавікі. Яны цікавіліся "справай ЕГУ". Пра гэта Філіпенка расказаў у эфіры тэлеканала "Белсат".

Пісьменнік кажа, што сілавікі час ад часу прыходзяць да яго дадому. "Апошні раз да мяне чамусьці прыходзілі ў сувязі з тым, што я таксама навучаўся ў ЕГУ. Напэўна, яны хацелі высветліць, што менавіта я рабіў у ЕГУ, хаця я адвучыўся ў ЕГУ толькі першы курс, і пасля яго закрылі", — сказаў ён. (Гаворка ідзе пра перыяд, калі ЕГУ размяшчаўся ў Мінску.)

Раней паведамлялася, што пасля прызнання Еўрапейскага гуманітарнага ўніверсітэта "экстрэмісцкай арганізацыяй" сілавікі прыходзяць нават да даўніх выпускнікоў ЕГУ. А за аплату навучання пагражаюць караць як за фінансаванне экстрэмізму.

Таксама Філіпенка нагадаў, што на яго ціснуць у сувязі з яго літаратурнай дзейнасцю. У прыватнасці, за кнігу "Слон". За гэта на яго таксама пачалі крымінальную справу: "Нібыта іншая справа праз тое, што было інтэрв'ю, і я размаўляў пра "Слана". А паколькі "Слон" "экстрэмісцкі", то нібыта я не магу размаўляць пра свае кніжкі".

Пісьменнік і журналіст Саша Філіпенка быў вымушаны ў 2020 годзе пакінуць Беларусь. Ён актыўна падымае беларускую тэматыку ў заходніх медыя. У лютым 2025-га стала вядома, што на яго пачалі крымінальную справе па абвінавачанні ў распальванне варожасці.