З'явіліся кадры з атакаваным аўтобусам

З'явіліся кадры з беларускім аўтобусам, які 2 ліпеня атакаваў дрон у Бранскай вобласці.

На іх відаць, што ў аўтобусе разбітае шкло ў пярэдніх дзвярах. Тым часам афіцыёзныя СМІ паведамлялі, быццам дрон уляцеў у лабавое шкло і такім чынам параніў двух кіроўцаў.

Пасажыры і кіроўцы аўтобуса ўжо вярнуліся ў Беларусь, перадаюць дзяржаўныя СМІ. Іх даставіла спецыяльная група з Гомеля.

Мінздароўя паведаміла, што пацярпелі тры чалавекі — два кіроўцы і адзін пасажыр. Іх шпіталізуюць у Гомельскую абласную клінічную бальніцу.

Дарэчы, у аўтобусе знаходзіліся таксама грамадзяне Расіі. Яны засталіся на тэрыторыі РФ.