Дзяржпагранслужба Украіны: Мінск спрабуе супраціўляцца ціску РФ
Мяжа Украіна — Беларусь
У Беларусі працягваецца развіццё ваеннай інфраструктуры каля мяжы з Украінай, нягледзячы на адсутнасць там ударнай групоўкі войскаў. Пра гэта распавёў спікер Дзяржаўнай памежнай службы Украіны (ДПСУ) Андрэй Дэмчанка, паведамляе Freedom.
Ён адзначыў, што гаворка ідзе пра будаўніцтва палігонаў, лагістычных маршрутаў і аб’ектаў для размяшчэння асабістага складу і тэхнікі, перш за ўсё ў кірунку Чарнігаўскай і Кіеўскай абласцей. Пры гэтым Расія не спыняе ціснуць на рэжым Лукашэнкі, патрабуючы прамога ўдзелу беларускай арміі ў вайне супраць Украіны.
"У цэлым тое, што адзначаюць падраздзяленні разведак: Расія працягвае ціснуць на Беларусь, каб прымусіць Мінск больш маштабна сваімі сіламі далучыцца да вайны, развязанай Расіяй супраць нашай краіны. Беларусь гэтаму супраціўляецца, стараецца ўсяляк не паддацца гэтаму ціску. Але пагроза для Украіны па-ранейшаму на гэтым кірунку захоўваецца, і наша задача ў першую чаргу — нарошчваць абарончыя магчымасці па лініі мяжы і ў прымежжы, каб быць гатовымі да развіцця любых сітуацый", — падкрэсліў Дэмчанка.
