Брэнд Honar спыняе выпуск адзення
Адзенне Honar / фота з сацсетак брэнду Honar
Спыняецца выпуск адзення пад беларускім брэндам Honar. Крама honar.by будзе працаваць да 19 ліпеня — і ўсё, больш "сучаснага беларускага адзення для людзей, якія маюць гонар", не будзе. Пра гэта каманда паведаміла ў сваіх сацсетках.
Ідэя стварыць Honar з’явілася з жадання падкрэсліць беларускую адметнасць праз адзенне. "Мы хацелі зрабіць нешта, што падкрэслівала б асаблівасць Беларусі. Хацелася выкарыстаць арнамент, а ён упрыгожваў у першую чаргу адзенне, таму было лагічна пачынаць з адзення", — расказваў у 2015 годзе сузаснавальнік брэнда Павел Доўнар.
"Дзякуй, што вы былі з Гонарам", — развітваецца каманда праекта.
