2 кг гашышу спрабавалі ўвезці з Польшчы ў Беларусь

Беларуская мытня канфіскавала каля 2 кг гашышу, дастаўленага з Польшчы. Груз быў схаваны ў каробцы пераключэння перадач.

Затрыманыя растлумачылі, што атрымалі каробку ад невядомай асобы ў Польшчы з просьбай перадаць тавар для "асабістага карыстання" чалавеку з Мінска. Пра тое, што ўнутры знаходзіцца гашыш, яны нібыта не ведалі.

Атрымальнікамі грузу з’яўляюцца двое непаўналетніх.

У дачыненні да аднаго з перавозчыкаў заведзена крымінальная справа за незаконнае перамяшчэнне наркатычных сродкаў праз мяжу. Санкцыя артыкула прадугледжвае да 10 гадоў пазбаўлення волі.