Лукашэнка раптоўна знік у галоўнае дзяржаўнае свята
Канцэрт да 3 ліпеня ў Мінску
Аляксандр Лукашэнка не з'явіўся на ўрачыстых мерапрыемствах з нагоды Дня незалежнасці Беларусі. Яго не было ані раніцай на ўскладанні кветак да Кургана славы, ані на вечаровым гала-канцэрце на Стэле ў Мінску.
Раніцай замест Лукашэнкі прамову чытаў старшыня Саўбеза Аляксандр Вальфовіч. Топ-вайсковец патлумачыў адсутнасць палітыка на Дне незалежнасці тым, што ён "сёння вырашае задачы стратэгічнага характару ў імя росквіту нашай краіны".
Самалёт Лукашэнкі прыляцеў Мінск ноччу з 2 на 3 ліпеня, каля 04:00. Да гэтага ён быў, як сам тое называў, у "працяглай камандзіроўцы": пасля двухдзённага візіту да Пуціна на Валдай ён наведаў Кітай і Інданезію, а ў на шляху дамоў на некалькі гадзін спыніўся ў М'янме.
