"Гутарка двух мудрацоў" — Снапкоў расказаў пра сустрэчу Лукашэнкі і Сі Цзіньпіна
Лукашэнка і Сі Цзіньпін / president.gov.by
"Гутарка двух мудрацоў" — так першы віцэ-прэм'ер Беларусі Мікалай Снапкоў ахарактарызаваў сустрэчу Аляксандра Лукашэнкі і Сі Цзіньпіна.
Сам Сі Цзіньпін заявіў, што "Кітай і Беларусь — жалезныя сябры", перадае прэс-служба Лукашэнкі.
Лукашэнка адправіўся ў Кітай пасля двухдзённых перамоваў з Пуціным у Падмаскоўі. Вынікі перамоваў з кіраўніком Расіі не агучваліся.
Паездка Лукашэнкі з'яўляецца яго абвешчанай раней "доўгатэрміновай камандзіроўкай". Плануецца, што ён наведае шэраг краін Паўднёва-Усходняй Азіі.
