Марыя Калеснікава стала стыпендыяткай Інстытута Мак-Кейна

Марыя Калеснікава стала стыпендыяткай прэстыжнай праграмы Kissinger Fellowship Інстытута Мак-Кейна. Бліжэйшы навучальны год яна правядзе паміж Берлінам, дзе цяпер жыве, і Вашынгтонам.

Праграма Kissinger Fellowship прызначаная для падтрымкі лідараў у сферы знешняй палітыкі і нацыянальнай бяспекі. Цягам года Калеснікава будзе працаваць над пытаннямі, звязанымі з Беларуссю і трансатлантычнай палітыкай.

Былая палітзняволеная мае намер дамагацца, каб Беларусь займала больш прыкметнае месца ў палітычным парадку дня ЗША і Еўропы. Фармальным вынікам стажыроўкі мусіць стаць комплексная канцэпцыя трансатлантычнага супрацоўніцтва па Беларусі, заснаваная на серыі інтэрв'ю з палітыкамі і экспертамі.