Польскі суд адмяніў перадачу ў Беларусь хлопчыка, якога хацеў вывезці бацька
Суд, ілюстрацыйнае фота / unsplash.com
Польскі суд адмяніў перадачу хлопчыка бацьку, які хоча вярнуць яго ў Беларусь. У Польшчы дзіця мае міжнародную абарону
Пра судовае рашэнне расказала ў сацсетках апякунка хлопчыка Ганна Канавалава:
"Наперадзе — барацьба, але наш малы застаецца дома, побач з людзьмі, якіх лічыць сваёй сям'ёй. Разам мы змаглі дамагчыся таго, што яшчэ некалькі дзён таму здавалася амаль немагчымым!"
Як паведамлялася раней, хлопчыка мусілі перадаць біялагічнаму бацьку 27 чэрвеня. Але пакуль што суд стаў на бок апякункі, якая хоча, каб дзіця засталося ў Польшчы.
