Міліцыянты спынілі перформанс за адмену смяротнай кары

5 чэрвеня група маладых актывістаў Беларускага Хельсінкскага камітэта зрабіла спробу правесці ў Мінску, каля Дома мод на перакрыжаванні праспекта Пераможцаў і вуліцы Няміга, перформанс за адмену ў Беларусі смяротнай кары.

Акцёры-мімы ў масках павінны былі нагадаць прахожым, што ў нашай краіне ўсё яшчэ існуе смяротная кара, а іншыя ўдзельнікі акцыі — раздаваць ім інфармацыйныя матэрыялы.

Аднак ледзь перформанс пачаўся, да яго ўдзельнікаў падышоў супрацоўнік міліцыі ў цывільным і запатрабаваў зняць маскі і спыніць правядзенне акцыі: "Я вас папярэджваю аб адказнасці за парушэнне грамадскага парадку, у прыватнасці закона аб масавых мерапрыемствах". Спробы актывістаў растлумачыць, што гэта зусім не "масавае мерапрыемства", а мастацкі акт, выніку не далі.

БелаПАН