На "Куфары" выставілі на продаж учарашні аўтограф Сабаленка
Лот з аўтографам Сабаленка / kufar.by
На пляцоўцы "Куфар" з'явілася абвестка аб продажы аўтографа Арыны Сабаленка. Плакат з выявай спартоўкі быў падпісаны 14 ліпеня, калі першая ракетка свету адкрывала ў Мінску грунтавыя тэнісныя корты ў сталічнай сярэдняй школе №86.
"Прадаю аўтограф. Пры мне падпісвала, прапануйце кошты ў прыватныя паведамленні", — напісаў аўтар.
Увагу на лот звярнула ў сацсетцы Threads карыстальніца rakhovich_valusha.
Іншая карыстальніца сацсеткі апублікавала ў каментарах сваю перапіску з прадаўцом. З яе вынікае, што прадавец гатовы аддаць лот не менш чым за 500 рублёў.
Таксама на "Куфары" можна знайсці яшчэ адзін лот з аўтографам Сабаленка — гэта тэнісны мяч. Ён выстаўлены на продаж у траўні 2026 года. За яго просяць 4000 рублёў, але пакупнікоў пакуль няма.
