“А я вам пакажу!”: як змяніліся карты Лукашэнкі, і ці можна яму верыць — эфір

Рыторыка Лукашэнкі ў бок Украіны і асабіста Зяленскага раптоўна кардынальна змянілася: ад “праз два-тры дні ва Украіне не будзе каму ваяваць” і “калі сёння Зяленскі не падпіша з Пуціным мірнае пагадненне, то заўтра будзе падпісваць капітуляцыю” да “Расіі трэба ісці на кампрамісы” і “вайна не павінна быць перанесена ў Беларусь”. І нават нібыта выбачыўся перад Зяленскім за свае словы пра “курнуў, укалоўся”, праз што, маўляў, пагражае Беларусі і яму асабіста.
 
Што прымусіла Лукашэнку змяніць рыторыку адносна Украіны і Зяленскага і ці можна верыць у гэтае яго раскаянне? Ці можна чакаць, што знешняя палітыка ў выніку такога прасвятлення Лукашэнкі зменіцца, і ці дазволіць гэта Масква? Чаго чакаць ад візіту Коўла ў Мінск (калі ён нарэшце здарыцца) і ад мірнага пагаднення ЗША з Іранам? Пра гэта і шмат што іншае мы і разважаем у штотыднёвым жывым эфіры Еўрарадыё з дацэнткай, кандыдаткай гістарычных навук, эксперткай па міжнароднай палітыцы Розай Турарбекавай у 13:00.