Абвінавачаныя па справе "пра масавыя беспарадкі" звярнуліся да генпракурора

"Мы, абвінавачаныя па справе пра так званыя "масавыя беспарадкі 19 снежня 2010 года", што прайшлі праз утрыманне пад вартай у СІЗА КДБ, патрабуем спыніць прававое бязмежжа і ўсёдазволенасць людзей у пагонах, што адбываюцца сёння ў краіне і ў СІЗА КДБ у прыватнасці", - гаворыцца ў звароце.

Ліст падпісалі Сяргей Вазняк, Андрэй Дзмітрыеў, Уладзімір Кобец, Алег Корбан, Анастасія Палажанка, Наталля Радзна, Віталь Рымашеўскі.

Аўтары зварота патрабуюць:

-правесці незалежнае – з прыцягненнем міжнародных экспертаў – расследаванне фактаў гвалту, жорсткага звароту і катаванняў у адносінах да арыштаваных па справе "19 снежня".

-неадкладнай праверкі ўмоў утрымання ў СІЗА КДБ кандыдатаў у прэзідэнты  і чальцоў іх каманд, метадаў працы супрацоўнікаў КДБ пры правядзенні расследавання.

- вызвалення з турмаў усіх вязняў сумлення, палітычных зняволеных, арыштаваных прэвентыўна, падчас і пасля разгону мірнай акцыі 19-га снежня, зняцця з іх палітычна матываваных абвінавачванняў, паведамляе zapraudu.info