За пяць гадоў першакласнікаў у Беларусі стала менш на 30 тысяч
Школьнікі, ілюстрацыйнае фота / pixabay.com
За пяць гадоў першакласнікаў у Беларусі стала менш на 30 тысяч. Мінадукацыі апублікавала папярэднюю статыстыку да новага навучальнага года, і яна не дадае аптымізму.
1 верасня 2026-га ў школы пойдуць 87,5 тысячы першакласнікаў. Пяць гадоў таму іх было на 25% больш — 118 тысяч.
Таксама за апошнія пяць гадоў у Беларусі стала заўважна менш школаў і гімназій. У 2021/22 навучальным годзе іх было 2940, а сёлета — "больш за 2,5 тысячы".
