Белгідрамет назваў абласны цэнтр з самым высокім узроўнем радыяцыі

У Беларусі абнавілі даныя радыяцыйнага маніторынгу. У Белгідрамеце ахарактарызавалі абстаноўку ў краіне як стабільную, паказчыкі ў абласных цэнтрах трымаюцца на ўзроўні "натуральнага радыяцыйнага фону".

Сярод абласных цэнтраў па стане на 18 чэрвеня 2026 года самы высокі паказчык узроўню радыяцыі зафіксавалі ў Віцебску — 0,11 мкЗв/гадз. А ў Брэсце, Гомелі, Гродне, Мінску і Магілёве паказчыкі былі аднолькавыя — 0,1 мкЗв/гадзч.

Цікава, што ў "лідарах" аказаўся Віцебск, а не Гомель, які часцей асацыюецца з наступствамі Чарнобыльскай аварыі.

Сярод райцэнтраў найбольшыя радыяцыйныя паказчыкі фіксуюцца ў зоне, пацярпелай ад аварыі на Чарнобыльскай АЭС. У Брагіне ўзровень магутнасці дозы гама-выпраменьвання склаў 0,46 мкЗв/гадз., у Слаўгарадзе — 0,18 мкЗв/гадз. У Белгідрамеце кажуць, што гэтыя паказчыкі адпавядаюць шматгадовым значэнням, таму хвалявацца не варта.