Чыноўнікам МАРГ не спадабаўся слоган Гродзенскага мясакамбіната
Гродзенскі мясакамбінат, ілюстрацыйнае фота / Пул 4 рэгіён
Міністэрства антыманапольнага рэгулявання і гандлю знайшло парушэнні ў рэкламе Гродзенскага мясакамбіната.
Праверку ведамства пачало пасля таго, як атрымала некалькі скаргаў ад грамадзян на рэкламу прадуктаў і паслуг.
Чыноўнікам не спадабаўся слоган: "Мы ў ТОПЕ — і гэта назаўсёды!" У МАРГ палічылі, што такая фармулёўка ўводзіць пакупнікоў у зман, бо стварае ілюзію безумоўнай перавагі над іншымі брэндамі.
У адказ прадпрыемства заявіла, што слова, да якога ўзніклі прэтэнзіі, запатэнтаванае як таварны знак. Тым не менш у МАРГ падкрэслілі, што рэгістрацыя таварнага знака не здымае абавязкі выконваць рэкламнае заканадаўства.
Цяпер Гродзенскаму мясакамбінату давядзецца прыдумваць новы слоган.
