"Белпошта", Wildberries і OZON прызнаныя дамінантамі на рынку
Wildberries, ілюстрацыйнае фота / ЕРА
Wildberries, OZON і "Белпошта" прызнаныя дамінантамі на беларускім рынку. Іх уключылі ў Дзяржаўны рэестр дамінантаў, паведамляе прэс-служба МАРГ.
Гэта азначае, што цяпер тарыфы гэтых кампаній мусяць быць максімальна эканамічна абгрунтаваныя. І Міністэрства антыманапольнага рэгулявання і гандлю будзе максімальна кантраляваць іх.
Перад тым, як уключыць іх у дзяржрэестр, МАРГ прааналізаваў два таварныя рынкі — паслуг уладальнікаў інтэрнэт-пляцовак і паслуг па прадастаўленні доступу да адзінай аўтаматызаванай сістэмы ўліку паштовых адпраўленняў.
