МАРГ правярае Wildberries і просіць беларусаў расказаць пра ўсе праблемы з пляцоўкай
Wildberries / ЕРА
Пад праверку МАРГ патрапіла інтэрнэт-пляцоўка Wildberries. Улады ацэняць захаванне заканадаўства аб абароне правоў спажыўцоў, цэнаўтварэнні і канкурэнцыі.
Беларусаў папрасілі паведамляць пра праблемы, якія ўзніклі з інтэрнэт-пляцоўкай.
Раней улады прызналі Wildberries дамінантам у Беларусі.
Для кампаній, якія патрапляюць у рэестр дамінантаў, МАРГ устанаўлівае спецыяльны спосаб цэнавага рэгулявання. Гэта значыць, што дзяржава пачынае больш уважліва сачыць за тым, як такія гульцы фарміруюць і прымяняюць свае тарыфы.
