“Газпром” пацвердзіў, што Беларусь канчаткова расплацілася за газ

8 жніўня Беларусь выплаціла пазыку за расійскі газ, паведаміў агенцтву “РИА Новости” афіцыйны прадстаўнік "Газпрома" Сяргей Купрыянаў. "Сёння "Газпром" атрымаў апошні плацёж за пастаўлены ў першым паўгоддзі расійскі газ", – цытуе яго агенцтва.

Спадар Купрыянаў дадаў, што цяпер беларуская кампанія абавязаная пералічваць плацяжы штомесяц у поўным аб'ёме не пазней за 23-га наступнага месяца.