Мінскай сям'і прызначылі вялікія тэрміны, абвінаваціўшы ў "здрадзе дзяржаве"

10 чэрвеня Мінскі гарадскі суд вынес прысуд сям'і з Мінску — Таццяне і Дзмітрыю Корсакавым, а таксама іх дачцэ Пелагіі.

Як паведамляе праваабарончы цэнтр "Вясна", Дзмітрыю і Таццяне прысудзілі 14 і 12 гадоў зняволення адпаведна. Таксама ім прысудзілі штраф у 50 тысяч рублёў. Пелагію асудзілі завочна — ёй прызначылі 11 гадоў пазбаўлення волі.

Мужа і жонку Корсакавых абвінавацілі ў здрадзе дзяржаве, незаконных дзеяннях з агнястрэльнай зброяй і незаконным перамяшчэнні зброі праз мяжу.

Пелагію прызналі вінаватай у здрадзе дзяржаве.

Акалічнасці справы праваабаронцам невядомыя.