АБЭЗ правярае каля 400 работнікаў Мазырскага НПЗ

Масавыя праверкі работнікаў Мазырскага нафтаперапрацоўчага завода праводзіць упраўленне па барацьбе з эканамічнымі злачынствамі. Прадметам цікавасці сілавікоў сталі камандзіроўкі работнікаў.

Пад увагу трапілі каля 400 работнікаў завода, якія здзяйснялі рабочыя паездкі за мяжу за апошнія гады, паведамляе выданне "Флагшток". Супрацоўнікам пагражаюць крымінальнымі справамі за неапраўданую растрату сродкаў прадпрыемства.

"Хтосьці ездзіў абсталяванне "глядзець", іншыя — заключаць кантракты, па розных выставах дыі іншых НПЗ, тузы — у далёкае замежжа. Многія па фірмах ездзілі, якія займаюцца рамонтам. Едзе прадстаўнік завода, і не адзін — як бы для кантролю рамонту, а насамрэч невялікі адпачынак за грошы завода", — патлумачыла журналістам "Флагштока" крыніца.

Паводле неафіцыйнай інфармацыі, некаторым з супрацоўнікаў пагражае толькі штраф і кампенсацыя растрат, а іншым — зняволенне і канфіскацыя маёмасці.

Афіцыйных звестак аб праверках і крымінальных справах на Мазырскім НПЗ пакуль не было.