Тацяну Марцынаву не ўпусцілі ў Польшчу. Ёй пагражае забарона на ўезд у ЕС да 10 гадоў
Тацяна Мартынава / Еўрарадыё
"Я пакуль не разумею, што гэта азначае", — кажа беларуская блогерка і дэлегатка КС, якая жыве ў Кіеве, Тацяна Марцынава, якой 11 чэрвеня не дазволілі пакінуць Украіну і выехаць у Польшчу. Ёй пагражае ануляванне шэнгенскай візы і 10-гадовая забарона на ўезд у Еўрапейскі саюз.
У цяперашні час Марцынава знаходзіцца на польскім памежным пераходзе ў Дарагуску. Верагодна, яе дэпартуюць ва Украіну.
У размове з Еўрарадыё яна расказала, што ехала ў Польшчу на стратсесію дэмсіл.
— У мяне ж заўтра дзень нараджэння. Польшча вырашыла зрабіць мне падарунак. Агонь, — жартуе Марцынава. — Як мінімум, ва Украіне я магу знаходзіцца, у мяне від на жыхарства.
Што адбылося?
У 9 раніцы па польскім часе Марцынаву зняла з цягніка на ўкраінска-польскай мяжы.
— Падчас праходжання польскай мяжы мне спачатку расказалі нейкую "прахалодную гісторыю" пра тое, што я павінна перасякаць польскую мяжу на іншым памежным пераходзе, і ў іх так адбіваецца ў базе. Я спрабую ім растлумачыць, і тут жа даведваюся, што такога закону няма.
Я перасякаю польскую мяжу з эстонскім мультышэнгенам, і ў мяне ніколі не было праблем. Я не першы раз еду.
