Пытанне Беларусі ўключылі ў парадак дня пасяджэння Савета ЕС

Пытанне Беларусі ўключылі ў парадак дня пасяджэння Савета Еўрасаюза, якое адбудзецца 16–17 лістапада. Такое рашэнне прынялі сёння ў Бруселі прадстаўнікі краін ЕС. Пра гэта Еўрарадыё распавялі ў прэс-службе Савета Еўрасаюза. Нагадаем, на пасяджэнні вырашыцца лёс візавых санкцый у дачыненні да беларускіх чыноўнікаў. Чакаецца, што рашэнне Савета будзе агучана на прэс-канферэнцыі ў аўторак 17 лістапада.

Пачынаючы з панядзелка, 16 лістапада, карэспандэнты Еўрарадыё будуць асвятляць падзеі з Бруселя, у тым ліку непасрэдна з будынку Justus Lipsius, штаб-кватэры Савета ЕС.