Брэсцкае “Дынама” скараціла трэнера Юрыя Пудышава
Яго звальненне было прадыктаванае эканамічнымі прычынамі.
Гэту інфармацыю сайту Goals.by пацвердзіў старшыня футбольнага клуба Ўладзімір Базанаў. Да нядаўняга часу ў камандзе было два старэйшых трэнера. Пасаду аднаго з іх вырашылі скараціць, каб ашчаджаць грошы. Яшчэ аднаго старэйшага трэнера, Сяргея Кавальчука, вырашылі пакінуць, бо ён мясцовы.
Дарэчы, Юрый Пудышаў увайшоў у гісторыю чэмпіянатаў Беларусі па футболе як самы ўзроставы гулец. У кастрычніку 2010 года ён выйшаў на замену на 90-ай хвіліне матчу “Дынама” з барысаўскім БАТЭ. Тады футбалісту было 56 год.
