Школьная рэформа пазбавіць працы да 30 тысяч настаўнікаў
Пераход на 11-гадовае навучанне можа прывесці да скарачэння 20-30 тысячаў настаўнікаў. Такі прагноз змяшчаецца ў лісце Беларускага прафсаюзу работнікаў адукацыі і навукі. Як паведамляе Радыё Свабода, ліст быў накіраваны першаму намесніку кіраўніка прэзыдэнцкай адміністрацыі Анатолю Рубінаву. Таксама ў лісце гаворыцца, што памяншаецца колькасьць сродкаў, накіраваных на адукацыю. А сярэдні заробак настаўніка склаў 583 тысячы рублёў (272 долары) і, параўнальна з заробкамі ў прамысловасці, памяншаецца.
