The Stokes адзначылі Дзень нараджэння свайго лідара канцэртам у Мінску
Выступ у сталіцы стаў часткай туру гурта па Беларусі.
У Дзень нараджэння свайго лідара беларуска-маскоўская каманда The Stokes выступіла ў сталічным "Цэнтры". Павіншаваць Аляксея Стокса са святам і паслухаць новую праграму гурта "Наизнанку" прыйшлі сябры і прыхільнікі. Канцэрт адбыўся ў межах гастрольнага туру The Stokes па гарадах Беларусі і, як заўважыў Аляксей, стаў на дадзены момант найбольш насычаным і шчыльным па наведвальнасці. Дагэтуль "Стоксы" гралі выключна "душэўныя па атмасферы" канцэрты, першы з якіх наведала ўсяго два чалавекі.
Імяніннік шукае ахвочага прамовіць тост у свой гонар
"Смачная" пляшка хутка разышлася па зале - за здароўе Стокса грэх не выпіць!
Паміж песнямі, калі сціхалі апладысменты, перыядычна надыходзіла "мёртвая" цішыня
А Аляксей Стокс пытаўся ў публікі: "Што ж зноў цішыня такая?"
Сталы ўдзельнік "Стоксаў" бас-гітарыст Кірыл Сенін
На канцэрт The Stokes прыйшлі сапраўдныя прыхільнікі гурта. Калі вакаліст паварочваў мікрафон у залу - дзяўчаты чысценька і актыўна спявалі песні каманды напамяць
З Днём нараджэння, Лёша!
