У Магілёве заахвочваюць сумленных плацельшчыкаў за “камуналку”

У Магілёве праходзіць акцыя “Дом без пазыкаў”, скіраваная на тое, каб заахвоціць грамадзянаў, якія дысцыплінавана плацяць за камунальныя паслугі, паведамляе БелаПАН. Акцыя пачалася 10 лістапада і будзе доўжыцца да 31 студзеня наступнага года. У ёй удзельнічаюць толькі тыя дамы, дзе няма ніводнага асабістага рахунку з пазыкамі. Такіх дамоў у Магілёве каля 660, а гэта 39 тысяч рахункаў. Усяго ж у горадзе 110 асабістых рахункаў. Жыхарам “дамоў без пазыкаў” даюць магчымасць размясціць абвестку на светладыёдным экране ў цэнтры Магілёва з 70-адсоткавай зніжкай. Таксама ім дазваляюць за 4 500 рублёў даць абвестку ў бягучы радок на гарадскім інфармацыйна-даведачным партале.

На сёння завінавачанасць на камунальныя паслугі ў Магілёве складае 6 мільярдаў рублёў.