У Мастоўскім раёне хлопчык выпадкова засіліўся ў часе гульні
У Мастоўскім раёне васьмігадовы хлопчык засіліўся ў часе гульні. Смерць была недарэчнай. Ён гуляўся з двума сваімі стрыечнымі братамі. Дзеці зрабілі своеасаблівую тарзанку на дрэве, пад якім праходзілі трубы цеплатрасы. Яны скакалі, адштурхоўваючыся ад труб. Хлопчык вырашыў пажартаваць. Ён звязаў з вяроўкі пятлю, накінуў яе на шыю і крыкнуў сябрам, што засіліцца. У той момант яму пад ногі раптам скочыў бадзяжны сабака. Хлопчык паслізнуўся і паваліўся з трубы. Гэтую страшную карціну ўбачылі пасажыры аўтобуса, які праязджаў паўз месца трагедыі. Яны вызвалілі хлопчыка з пятлі, аднак уратаваць яму жыццё не ўдалося, паведамляе БЕЛТА.
