У Мінску кіроўцы ў адказ на заўвагу пырскнулі ў вочы балончыкам

У Мінску кіроўца падыйшоў да іншага аўто сказаць, што ў яго ўключанае далёкае святло. Але там нават слухаць не сталі — з пасажырскага сядзення яму ў вочы адразу пырскнулі перцам з балончыка.

Інцыдэнт адбыўся 10-га ліпеня каля 17:10 на Паўднёвым Захадзе сталіцы. Паркетнік без нумароў амаль адразу з'ехаў з месца здарэння, аднак неўзабаве яго спынілі супрацоўнікі ДАІ.

"У аддзеле ён казаў, што я рукамі махаў, і ён спалохаўся за жонку [яна сядзела за стырном. — Еўрарадыё]. І таму мяне перцам заліў. На пытанне ад міліцыі: дзе балончык — сказаў што выкінуў", — наракае аўтар відэа.

У пацярпелага — хімічныя апёкі скуры, рагавіцы і кан'юктывы. Чалавека з балончыкам затрымалі на 10 сутак. Вырашаецца пытанне пра крымінальную справу за хуліганства.