Уладзімір Зяленскі адправіў у адстаўку прэм'ер-міністарку Украіны

Уладзімір Зяленскі адправіў у адстаўку прэм'ер-міністарку Украіны. Ён прапанаваў Юліі Свірыдзенка "ўзначаліць новы значны напрамак у адносінах з ключавым партнёрам". Імаверна, гэта азначае, што яна працягне кар'еру ў якасці амбасадаркі Украіны ў адной з заходніх краінаў, магчыма — у ЗША.

Зяленскі аргументаваў неабходнасць абнавіць Кабінет міністраў тым, што Украіна змяняе сваю палітычную стратэгію.

"Надзвычай важным напрамкам з'яўляецца падрыхтоўка да зімы, і Украіне трэба быць гатовай да ўсіх пагроз, якія могуць узнікнуць. Павінна быць паскораная трансфармацыя дзяржаўных кампаній, ад якіх у значнай ступені залежыць стабільнасць Украіны.

Асаблівай увагі патрабуюць і дамоўленасці Украіны з партнёрамі ў сферы аднаўлення. Адпаведна, ва Украіне пачнуцца кадравыя змены, якія павінны гарантаваць рэалізацыю абноўленай палітычнай стратэгіі", — тлумачыць прэзідэнт Украіны.